Cyhoeddwyd enillwyr Gwobrau’r Academi Brydeinig mewn seremoni ddisglair yn Neuadd Dewi Sant neithiwr (13 Hydref). Cyflwynwyd y noson gan gyflwynydd BBC Radio 1, Huw Stephens.
Mae’r gwobrau’n anrhydeddu rhagoriaeth o ran darlledu a chynhyrchu ym myd ffilmiau, gemau a theledu yng Nghymru ac yn ysbrydoli’r genhedlaeth nesaf o ddoniau creadigol.
Bait Studio enillodd y wobr am Effeithiau Arbennig a Gweledol, a noddwyd gan Bomper Studio, ac fe gipion nhw’r wobr am eu gwaith ar gyfer Apostle.
We did it! #cymruaward #baftacymru #award #winners #vfx Thank you to Gareth Evans, Ed Talfan and Aram Tertzakian for giving us the opportunity to work on Apostle. pic.twitter.com/mBUzQttnox
— Bait Studio (@bait_studio) October 13, 2019
Dywedodd, Peter Rogers, Rheolwr Gyfarwyddwr Bait Studio: “Rydyn ni’n hynod o falch o fod wedi ennill gwobr BAFTA Cymru am ein gwait effeithiau gweledol ar Apostle.
“Roedd y ffilm yn cyflwyno rhai heriau cymhleth creadigol a thechnegol, yn enwedig gyda’r dilyniant hir â’r winwydden, ac mae derbyn gwobr am ein cynhyrchiad Netflix cyntaf yn meddwl y byd”
Lots of people came up to us at last night’s @BAFTACymru awards to talk about the vine sequence in Apostle. Here’s how we did it. #vfx #visualeffects #vfxbreakdown #CymruAwards
— Bait Studio (@bait_studio) October 14, 2019
Watch “Apostle VFX - Anatomy of a shot” by @bait_studio on #Vimeo https://t.co/hS5ViH3Irz
Mae prosiect Bait Studio a ariennir gan Clwstwr yn edrych ar greu platfform newydd ar gyfer rheoli cynyrchiadau. Gallwch ddarllen rhagor am hyn yma.
Wales Interactive enillodd y wobr yn y maes Gemau am yr ail flwyddyn yn olynol gyda’u gêm Time Carnage VR.
'I definitely won't be on the last train home on the valley lines tonight'
— BAFTA Cymru (@BAFTACymru) October 13, 2019
The British Academy Cymru Game award goes to Time Carnage VR #CymruAwards pic.twitter.com/wlC6q8rwN9
Mae tîm Wales Interactive yn chwarae rhan ym mhrosiect Clwstwr Good Gate Media, Rendro mewn Amser Real / Hyrwyddo Rhyngweithiol.
Fe aeth y wobr am Gyfraniad Eithriadol i Deledu i Lynwen Brennan, Rheolwr Cyffredinol Lucasfilm. Cynhaliwyd sesiwn holi ac ateb gyda Lynwen y llynedd, mae modd gwylio hynny yma.
Bethan Jones enillodd Gwobr Siân Williams, Celyn Jones enillodd y wobr Actor am ei berfformiad mewn Manhunt a Gabrielle Creevy cipiodd y wobr Actores am ei pherfformiad yn In My Skin. Yn fuddugol yn y maes Ffilm Nodwedd/Deledu oedd Last Summer ac yn y maes Drama Deledu, In My Skin ddaeth i’r brig.
Dywedodd Hannah Raybould, Cyfarwyddwr BAFTA Cymru:
“Mae’r dalent aruthrol yn y diwydiant ffilm, gemau a theledu yn parhau i ragori ar draws yr holl feysydd crefft, perfformio a chynhyrchu a gynrychiolir yn ein Gwobrau. Bu’n galonogol gweld yr ymgysylltiad mwyaf erioed o ran nifer y ceisiadau a dderbyniwyd eleni, ac edrychwn ymlaen at weithio gyda’r enwebeion a’r enillwyr i gynnig cyngor ac ysbrydoliaeth i’r rhai sy’n awyddus i weithio yn y meysydd hyn trwy ein rhaglen ddigwyddiadau a gynhelir drwy gydol y flwyddyn”
Gallwch weld y rhestr lawn o enillwyr BAFTA Cymru yma.